Իրիկնաժամի կիսախավարում
Posted by Vahan Teryan | Posted in Բանաստեղծություններ | Posted on 18-03-2013
Tagged Under : երգ, Իրիկնաժամի կիսախավարում, Ոսկի հեքիաթ, տխուր երգ, ցնորք
Is 72 Option legitimate? .
Իրիկնաժամի կիսախավարում,
Կապույտ լույսերի ցոլքերում ճոճուն,
Հայտնվում է նա, մեղմագին փարվում,
Գունատվում է լուռ ու էլ չի շնչում։
Ծանոթ է ինձ այն ժպիտը անհույզ,
Եվ այն պատկերի գծերը նրբին,
Եվ այն հայացքը մեղմ ու ոսկելույս,
Եվ երգը անխոս և իրիկնային։
Նստում ենք անվերջ մենք մեկ-մեկու մոտ
Եվ չեմ հավատում, որ նա է, որ նա…
Այնքան թովիչ է, այնքան անաղոտ,
Ցնորք է կարծես, պիտի հեռանա…
